ممبئی(نیوز ڈیسک )بھارتی ٹینس کوئین ثانیہ مرزا اب ریمپ پر اپنے جلوے بکھیریں گی اس مقصد کے لئے انہوں نے ایک جیولری کمپنی سے سمجھوتہ کر لیا ہے جس کے زیورات کی وہ نمائش کریں گی۔بھارتی میڈیا کے مطابق ثانیہ مرزا انڈیا انٹرنیشنل جیولری ویک 2015ءمیں اگروال رائل اور زوراکشی کے زیورات پہن کر ریمپ پر واک کریں گی۔زوراکشی کے نمائندے نے میڈیا سے بات چیت میں اس کی تصدیق کرتے ہوئے کہا کہ ثانیہ مرزا اس شو میں ان کے زیورات کی نمائش کریں گی،وہ مکمل طور پر اس کے لئے تیار ہیں۔ان کا کہنا تھا کہ ہمارے زیورات پہلے ہی خواتین میں بہت مقبول ہیں اور اس شوسے ہمیں توقع ہے کہ انہیں اور مقبولیت ملے گی۔اس کے ڈیزائنر نے کہا کہ ہم بہت گرمجوشی سے کام کر رہے ہیں اور نت نئے ڈیزائن تیار کر رہے ہیں جنہیں اس شو میں پیش کیا جائے گا۔واضح رہے کہ ثا نیہ مرزا خواتین کا پہلا ڈبل گرینڈ سلام ٹائیٹل جیت چکی ہیں جس سے انہیں دنیا بھر میں مقبولیت ملی ہے۔