اسلام آباد (این این آئی)محسن پاکستان ڈاکٹر عبد القدیر خان 27اپریل 1936کو متحدہ ہندوستان کے شہر بھوپال میں پیدا ہوئے ، اعلیٰ تعلیم کے حصول کیلئے یورپ گئے ۔ تفصیلات کے مطابق پاکستان کے ایٹمی پروگرام کے خالق ڈاکٹر عبدالقدیر خان 27 اپریل 1936 کو متحدہ ہندوستان کے شہر بھوپال میں پیدا ہوئے تھے اور برصغیر کی تقسیم کے بعد 1947 میں اپنے خاندان کے ساتھ پاکستان ہجرت کی تھی۔اعلیٰ تعلیم کے حصول کیلئے وہ یورپ گئے اور 15 برس قیام کے

دوران انھوں نے مغربی برلن کی ٹیکنیکل یونیورسٹی، ہالینڈ کی یونیورسٹی آف ڈیلفٹ اور بیلجیئم کی یونیورسٹی آف لیون سے تعلیم حاصل کی۔1976 میں ڈاکٹر عبدالقدیر خان واپس پاکستان آئے اور 31 مئی 1976 کو انجینئرنگ ریسرچ لیبارٹریز کی بنیاد رکھی۔ اس ادارے کا نام یکم مئی 1981کو فوجی آمر جنرل ضیاالحق نے تبدیل کر کے ان کے نام پر ‘ڈاکٹر اے کیو خان ریسرچ لیبارٹریز’ رکھ دیا تھا۔