ممبئی (نیوز ڈیسک) بالی ووڈ اداکارہ کترینہ کیف اور ساتھی اداکار رنبیر کپور کے مابین پریم کہانی کی خبریں، تصدیق و تردید کا سلسلہ طویل عرصے سے جاری ہے۔ کبھی رنبیر کترینہ کے ہمراہ شادی کا اعلان کردیتے ہیں تو کبھی کترینہ رنبیر کو دوست سے زیادہ کوئی حیثیت دینے سے ہی انکاری ہوجاتی ہیں۔ چند روز قبل بھی کترینہ نے کہا تھا کہ بالی ووڈ کو انہیں کچھ عرصے کیلئے کنوارا ہی برداشت کرنا پڑے گا۔ اب اس کی وجہ سامنے آگئی ہے اور وہ وجہ ہے ”انوراگ باسو“ کترینہ کترینہ کیف اور انوراگ باسو کے مابین تعلقات شدید کشیدگی کا شکار ہیں۔ دونوں ایک دوسرے کا سامنا بھی نہیں کرنا چاہتے ہیں۔ اب مجبوری یہ ہے کہ کترینہ کی آنے والی فلم جگاجاسوس کے سیٹ پر انوراگ سے ملاقاتیں تو ہوتی ہیں تاہم دونوں ایک دوسرے سے نظریں چرائے رکھتے ہیں۔ ادھر رنبیر کپور انوراگ باسو کو اپنے خونی رشتوں جتنی اہمیت دیتے ہیں۔ اس کی وجہ ان کا رنبیر کو فلم برفی میں کاسٹ کرناہے۔ برفی کے کردار سے رنبیر کپور کی بالی ووڈ میں ایک نئی پہچان بنی ہے اور رنبیر انوراگ کے اس احسان کو کبھی نہیں بھلاسکتے ہیں۔ ایک ہی شخصیت کے بارے میں متضاد خیالات دونوں کے بیچ آپس کے تعلقات کی خرابی کا بھی باعث بنے ہیں۔