ممبئی(نیوز ڈیسک) سری لنکن حسینہ اور بالی ووڈ اداکارہ جیکولین فرنینڈس جو ورن دھون اور جان ابراہم کے ساتھ ”ڈیشوم“ ( Dhishoom ) کی شوٹنگ کے لیے مراکش میں ہیں فلم کے لیے ایکشن مناظر عکس بند کروائیں گی۔اداکارہ نے فلم کے سیٹ پر دنوں ساتھی اداکاروں کے ساتھ سیٹ پر لی جانیوالی سیلفی انسٹا گرام کر اپ لوڈ کرتے ہوئے کہا ہے کہ جان ابراہم اور ورون دھون کے ساتھ ایکشن کا وقت کا آگیا ہے۔ دریں اثنا اداکارہ نے ایک انٹرویو کے دوران کہا ہے کہ جان ابراہم اور ورون دھون کی طرح وہ بھی اپنی اس فلم کے متعلق بہت سیریس ہیں اور انھوں نے ایکشن مناظر شوٹ کرانے کے لیے بہت سخت ایکسرسائز کرکے اپنے جسم کو انتہائی فٹ بنا لیا اداکارہ کا کہنا تھا کہ اس مقصد کے لیے انھوں نے اپنے گھر پر بھی جم بنا رکھا تھا اور اب مراکش میںبھی سخت محنت کررہی ہیں۔اس کے علاوہ ماہر ٹرینر سے جمناسٹک اور فائٹ کی خصوصی تربیت لی ہے تاکہ زمین پر گرنے والے یا لڑائی کے دوران لگنے والی چوٹوں سے خود کو بچانے کے علاوہ ایک ایکشن ہیروئن کا کردار بہتر طور سے نبھا سکوں۔بتایا گیا ہے کہ فلم ڈیشوم کی ہدایات ورون دھون کے بھائی روہت دھون دے رہے ہیں اور اسے اسے ساجد نڈیاڈوالا گرینڈسن انٹرٹینمنٹ کے بینر تلے اگلے برس سینما گھروں کی زینت بنایا جائے گا۔ادھر بالی ووڈ میں خبرگرم ہے کہ جیکولین فرنینڈس ہالی ووڈ ہارر فلم ”ڈیفینیشن آف فیئر“ (Definition of Fear ) میں بھی کام کررہی ہیں۔ جیمز سیمپسن کی ہدایتکاری میں بنائی جانیوالی اس فلم میں وہ فزیالوجی کی طالبہ ” سارا فورڈنگ“ کے کردار میں نظر آئیں گی جب کہ دیگر کاسٹ میں کیتھرائن بیرل ، مرسڈیز پپالیا اور بلیتھ ہیبرڈ شامل ہیں