ممبئی (نیوزڈیسک)بالی ووڈ اداکارہ کرینہ کپور خان نے کہا کہ کسی بھی فلم میں صرف کہانی پسند آنے پر ہی کام کرونگی ۔ کرینہ کا اپنے انٹرویو میں کہنا تھا کہ مجھے جب تک سکرپٹ پسند نہیں آتا میں فلم میں اداکاری نہیں کرتی اور مستقبل میں بھی ایسا ہی کرونگی چاہے میرے پاس کوئی بھی فلم نہ رہے ۔واضح رہے کہ بالی ووڈاداکارہ کرینہ نے اپنے کیریئر میں کئی ایسی فلموں میں کام کرنے سے انکار کیا جو ریلیز کے بعد باکس آفس پر کامیاب ثابت ہوئیں۔حال ہی میں انہوں نے راج کمار گپتا کی فلم ‘‘سیکشن 84’’ میں اداکاری سے معذرت کی۔کرینہ کے پرستاروں نے اداکارہ کو ایک خط کے ذریعے متعدد فلموں سے انکار کرنے پر ناراضگی کا اظہار کیا ہے –