اسلام آباد (مانیٹرنگ ڈیسک/این این آئی ) وزیراعظم عمران خان کو روسی صدر پیوٹن کا ٹیلی فون، عمران خان نے دورہ پاکستان کی دعوت بھی دی۔تفصیلات کے مطابق وزیراعظم ہاؤس کی جانب سے جاری سرکاری اعلامیے کے مطابق دونوں رہنماؤں نے افغانستان کی
صورتحال اور دو طرفہ تعلقات پر گفتگو کی ہے۔اعلامیے کے مطابق وزیراعظم نے اس بات پر زور دیا کہ ایک پرامن ، محفوظ اور مستحکم افغانستان پاکستان اور علاقائی استحکام کے لیے بہت ضروری ہے۔ افغانوں کے تحفظ، تحفظ اور حقوق کے تحفظ کو یقینی بنانے کے علاوہ ، ایک جامع سیاسی تصفیہ آگے بڑھنے کا بہترین راستہ تھا۔پاکستان کے وزیراعظم نے کہا کہ افغانستان میں قیام امن کے لئے سیاسی مذاکرات کے ذریعے آگے بڑھنا بہترین راستہ ہے۔ وزیر اعظم عمران خان نے کہا ہے کہ پرامن اور مستحکم افغانستان پاکستان اور خطے کے استحکام کیلئے اہم ہے، افغان عوام کے تحفظ،سلامتی اور انسانی حقوق کے ساتھ ساتھ مسئلے کا سیاسی حل ضروری ہے۔وزیر اعظم عمران خان سے روس کے صدر ولادیمیر پیوٹن نے ٹیلیفونک رابطہ کیا ۔ٹیلیفونک رابطے میں دونوں رہنمائوں نے افغانستان کی بدلتی صورتحال اور دو طرفہ تعلقات پر تبادلہ خیال کیا۔اس موقع پر وزیراعظم عمران خان نے کہاکہ پرامن اور مستحکم افغانستان پاکستان اور خطے کے استحکام کیلئے اہم ہے، افغان عوام کے تحفظ،سلامتی اور انسانی حقوق کے ساتھ ساتھ مسئلے کا سیاسی حل ضروری ہے۔انہوں نے کہاکہ افغان عوام کی سکیورٹی اور حقوق کا تحفظ یقینی ہونا چاہیے۔وزیراعظم نے مطالبہ کیا کہ عالمی برادری افغان عوام کی مدد کیلئے آگے بڑھے اور افغانستان میں معاشی استحکام کیلئے کردار ادا کرے۔وزیراعظم نے بدلتی صورتحال سے نمٹنے کیلئے مربوط نقطہ نظر کی اہمیت پر زور دیا۔
