لاہور (این این آئی) جنرل سیکرٹری پاکستان مسلم لیگ (ن) لاہور خواجہ عمران نذیر سے پاکستان تحریک انصاف پی پی 160 کے عہدیداروں نے ملاقات کی۔ملاقات کرنے والوں میں ڈاکٹر رشید ایوبی انجینئر نوید اور بابا عبدالغفور شامل تھے۔ڈاکٹر رشید ایوبی انجینئر نوید اور بابا عبدالغفور نے پی ٹی آئی چھوڑ کر مسلم لیگ (ن) میں شمولیت کا اعلان کیا۔سابقہ ایم پی اے رمضان بھٹی،چیئر مین طارق کمبوہ اور امیر حمزہ بھی موقع پر موجود تھے۔

سابقہ پی ٹی آئی عہدیدار نے کہاکہ وزیر اعلی پنجاب مریم نواز شریف کی عوام دوست پالیسیوں پر مکمل اعتماد ہے،مریم نواز شریف کے ویژن نے متاثر کیا۔انہو ںنے کہاکہ وزیر اعلی کی شبانہ روز محنت دیکھ کر مسلم لیگ (ن) میں شمولیت کا فیصلہ کیا ہے اور مسلم لیگ (ن) ہی عوام کی اصل نمائندہ جماعت ہے۔خواجہ عمران نذیر نے کہاکہ وزیر اعلی پنجاب مریم نواز شریف کی عوام دوست پالیسیوں نے ناقدین کو بھی تعریف پر مجبور کردیا ہے۔