واشنگٹن (این این آئی )امریکی حکام نے کہاہے کہ افغانستان میں 48 گھنٹوں میں چھ ہزار امریکی فوجی تعینات کئے جائیں گے۔میڈیارپورٹس کے مطابق امریکی وزارت دفاع اور وزارت خارجہ کی جانب سے جاری مشترکہ بیان میں کہا گیا کہ کابل ایئر پورٹ کو محفوظ رکھنے کی کوششیں جاری ہیں، امریکی و اتحادی عسکری اور سول عملے کا بحفاظت انخلا چاہتے ہیں۔امریکی حکام کا کہنا تھا کہ افغانستان کا ایئر ٹریفک کنٹرول بھی سنبھال لیا جائے گا، افغانستان میں امریکی شہریوں اور افغان اسٹاف کو فیملیز سمیت ملک سے نکالا جائے گا۔یہ بھی کہا گیا کہ خصوصی ویزے کیحامل افغان شہریوں کو بھی جلد نکالا جائے گا، خصوصی ویزے کیحامل 2ہزار افغان شہریوں کو امریکا منتقل کیا جا چکا۔امریکی حکام کا کہنا تھا کہ سیکیورٹی کلیئرنس والے افغان شہریوں کو بھی جلد منتقل کر دیا جائے گا۔