واشنگٹن(نیوزڈیسک)پاکستان کا ”مفرور صحافی“،امریکی اخبارواشنگٹن پوسٹ کی دہشت گردوں کو مطلوب صحافی پر خصوصی رپورٹ،تفصیلات کے مطابق معروف امریکی اخبار واشنگٹن پوسٹ نے پاکستانی صحافی حامد میر کے حوالے سے ایک خصوصی رپورٹ شائع کی ہے جس کا عنوان ہے ’مفرور کی طرح زندگی گزارنا‘۔ یہ رپورٹ کسی اور صحافی کے بارے میں نہیں بلکہ یہ معروف صحافی حامد میر کے بارے میں ہے جس میںقاتلانہ حملے کے بعد سے حامد میر کی پاکستان میں مفروروں جیسی زندگی کے بارے میں بات کی گئی ہے ،حامد میر کے 3 گھر ہیں لیکن وہ مسلسل کسی ایک پتے پر نہیں رہتے، ان تینوں رہائش گاہوں پر وقت گزارتے ہیں لیکن اپنے معمولات کے بارے میں قریبی ترین عزیزوں اور دوستوں کو بھی آگاہ نہیں کرتے۔حامد میر کا کہنا ہے کہ بچوں کی گاڑی پر حملے کے بعد انہوں نے اپنے دونوں بچوں کو ملک سے باہر بھیج دیا ہے۔ ان کی بیگم چاہتی تھیں کہ وہ بھی ملک سے باہر چلے جائیں لیکن ان کا کہنا ہے کہ وہ میدان چھوڑ کر بھاگنے والے نہیں۔ رپورٹ کے مطابق اب حامد میر بلٹ پروف گاڑی میں سفر کرتے ہیں اور ان کی زندگی گھر اور دفتر تک ہی محدود ہوگئی ہے۔اخبار کا کہنا ہے کہ افغان جنگ، طالبان اوربلوچستان کے موضوعات پر متنازعہ خبروں کے باعث کچھ لوگ انہیں پسند نہیں کرتے۔ اسی طرح پاکستانی طالبان پر شدید تنقید کے باعث وہ مقامی شدت پسند گروہوں کا بھی ٹارگٹ بھی ہیں۔ سیاسی جماعتوں کی کرپشن کی کہانیاں بے نقاب کرنے پر بہت سے سیاستدان بھی ان سے ناراض ہیں۔ حامد میر بھارت سے اچھے تعلقات کے حامی ہیںجو کہ بہت سے پسند نہیں۔