اسلام آباد (این این آئی)ترجمان وزارت توانائی نے وضاحت کی ہے کہ موسم گرما میں بجلی کی بلاتعطل فراہمی کے لئے گیس کی فراہمی یقینی بنائی جارہی ہیں ۔ترجمان وزارت توانائی کے مطابق وزیر توانائی کی جانب سے سوئی نادرن کو گیس فراہمی یقینی بنانے کے لئے ہدایات جاری کی جاچکیں ،گیس فراہمی 685 سے بڑھا کر 750 ایم ایم سی ایف ڈی کردی گئی ہے ۔ انہوں نے کہاکہ پاور سیکٹر کو زیادہ سے زیادہ گیس فراہم کی جارہی ہے ،ایل این جی ٹرمینل کی بحالی کے بعد سے ملک میں غیر اعلانیہ لوڈشیڈنگ ختم ہوچکی ہے۔ ترجمان نے کہاکہ پن بجلی کی کمی کے باوجود متبادل ذرائع سے بجلی کی بلاتعطل فراہمی یقینی بنائی جارہی ،دریاوں میں پانی کی آمد اور اخراج کی صورتحال مانیٹر کی جارہی ہے ،بجلی کی پیداوار کے حوالے سے متبادل پلانز بھی تیار ہیں۔