لاہور(این این آئی) ) مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ عمران خان نے سیاست کو کرکٹ سمجھ کر ملک کو تباہ وبرباد کردیا، سلیکٹڈ وزیر اعظم کا طرز عمل

جمہوری نہیں ہے وہ ایک آمر کی طرح قوم کو ہانکنے کی کوشش کر رہے ہیں، حکمرانوں کے پاس عوام کیلئے کچھ نہیں انہیں اپنی عیائشیوں کے سوا کچھ عزیز نہیں۔ اپنے بیان میں انہو ں نے کہاکہ حکمران ملک میں سیاسی استحکام کے لئے انتقامی سیاست چھوڑ کر عوامی خدمت پر دھیان دیتے تو آج صورتحال مختلف ہوتی شریف خاندان کا مشرف دور میں بھی کڑا احتساب ہو چکا اور موجودہ حکمرانوں نے بھی شریف خاندان کے بچے بچے پر مقدمات قائم کئے اور انہیں جیلوں میں ڈالا لیکن حکمران ان پر کوئی الزام ثابت نہ کر سکے۔انہو ںنے کہاکہ عام آدمی دو وقت کی روٹی کو ترس رہا ہے اشیا ضروریہ عوام کی پہنچ سے دور ہوچکی ہیں مہنگائی کا طوفان غریب شہریوں کو بہا لے گیا ہے اور وہ حکمرانوں سے نجات کی خاطر اپوزیشن کی طرف دیکھ رہے ہیں۔ دوسری جانب تر جمان پنجاب حکومت ڈاکٹر شاہد صد یق نے کہا ہے کہ پاکستان جلد دنیا کے نقشہ پر عظیم ملک بن کر ابھرے گا، پاکستان خطے کا اہم ملک ہے سعودی عرب سمیت کئی ممالک پاکستان میں سرمایہ کاری کرنا چاہتے ہیں،معاشی حالات میں دن بد ن بہتری اپوزیشن کی سیاست پر بجلی بن کر گر رہے ہیں۔اپنے بیان میں انہوں نے کہاکہ جوممالک پاکستانی ترقی سے خائف ہیں وہ بھی جلد اپنی مصنوعات کے لئے سی پیک کی راہداری کو اپنائیں گے،و زیراعظم عمران خان کی قیادت میں پاکستان اپنا اصل مقام حاصل کرے گا اورتحریک انصاف کی حکومت نے مختصر عرصے میں عوام کی فلاح وبہبود کیلئے متعدد اقدامات کیے ہیں ۔عوام کی خدمت کا ایجنڈا لیکر آئے ہیں اوراس ایجنڈے کی تکمیل کر کے رہیں گے۔ انہو ں نے کہاکہ پاکستان معاشی طور پر آگے بڑھ رہا ہے اور سنگین چیلنجز سے مرحلہ وار چھٹکارا مل رہا ہے،اپوزیشن ملک کی ترقی کیخلاف منفی پراپیگنڈے پر توانائیاں صرف کرنے کی بجائے کرپشن او رلوٹ مار کی وجہ سے اپنی تباہ حال ساکھ کی بحالی کیلئے کوششیں کرے تواس کیلئے زیاد ہ بہتر ہوگا ۔