اسلا م آباد(مانیٹرنگ ڈیسک )کرکٹ کے لیجنڈ اور عوام کے دلوں پر راج کرنے والے کھلاڑی شاہد خان آفریدی کو بیٹنگ کوچ لگانے پر غور کیا جا رہا ہے۔معروف صحافی سلیم خالق نے اپنے ٹویٹر پیغام میں کہا ہے کہ ٹی ٹوئنٹی ورلڈکپ سے قبل پی سی بی کو شاہد آفریدی کی خدمات حاصل کرنی چاہئیں،وہ کھلاڑیوں کو کرکٹ کے جدید تقاضوں سے آگاہ کر سکتے ہیں۔انکا کہنا تھا کہ اگر انھیں بورڈ بیٹنگ کوچ نہیں بھی لگاتا تو کو ایک دوسرا عہدہ بنا لیا جائے جس سے لالا قومی ٹیم کے ساتھ رہیں۔ان کے تجربات سے ٹیم کو فائدہ ہی ہو گا،کوچنگ کا کام موجودہ کوچز ہی کرتے رہیں آفریدی کو مشیریاکسی اور حیثیت سے ٹیم کے ساتھ وابستہ کیا جا سکتا ہے ۔