کراچی (این این آئی)سابق صدر آصف علی زرداری کو طبیعت ناساز ہونے کے باعث اسپتال منتقل کر دیا گیاہے۔ذرائع کے مطابق بجٹ سیشن میں شرکت اور عدالت میں پیشی کی تھکن کی وجہ سے پاکستان پیپلزپارٹی پارلیمنٹرینز کے صدر آصف علی زرداری کی طبعیت ناساز ہوئی جس کے بعد انہیں ڈاکٹروں کی ہدایت پر اسپتال میں داخل کروایا گیاہے۔ذرائع کا کہنا ہے کہ سابق صدر آصف علی زرداری کراچی کے علاقے کلفٹن میں واقع ایک نجی ہسپتال میں زیر علاج ہیں جہاں ڈاکٹرز نے ان کے طبی معائنے کے لیے مختلف نمونے حاصل کر لیے ہیں۔ ذرائع کا بتانا ہے کہ بلاول بھٹو زرداری اسلام آباد اور بختاور بھٹو اپنے خاوند محمود چوہدری کے ہمراہ دبئی سے کراچی پہنچ گئے ہیں۔