کراچی(این این آئی)وزیر تعلیم سندھ سعید غنی نے کہاہے کہ حلیم عادل شیخ پر زمین پر قبضوں کے الزامات درست ہیں، چیئرمین نیب کہہ دیں پی ٹی آئی رہنما کو گرفتار نہیں کریں گے، حلیم عادل کی گرفتاری کے مطالبے پر مروڑ چیئرمین نیب کو اٹھ رہے ہیں، آپ غلط آدمی سے پنگا لے رہے ہیں، منتظر ہوں نیب مجھے بلائے، ان کے منہ پر ان کے کرتوت بتائوں گا، نیب کے قانون کا غلط استعمال سب سے

زیادہ چیئرمین نیب کر رہے ہیں۔میڈیا سے بات چیت میں سعید غنی نے کہاکہ میں کہہ رہا ہوں حلیم عادل کو گرفتار کریں، پوری نیب اچھل پڑی، توقع نہیں تھی حلیم عادل کی گرفتاری کے مطالبے پر نیب کو تکلیف ہوگی، حلیم عادل شیخ نے غلط طریقے سے لوگوں کو زمینیں بیچیں۔ انہوں نے کہا کہ نیب اس ملک کے معزز لوگوں کیساتھ زیادتی کر رہی ہے، نیب کی وجہ سے بے شمار لوگوں نے خود کشیاں کیں۔انہوں نے کہاکہ نیب نے ایک پریس ریلیز جاری کی ہے، نیب نے کہاکہ میرے بیان کا 31 اے کے تحت جائزہ لیا جارہا ہے، نیب کی پریس ریلیز سے تاثر ملا کہ میں توہین نیب کا مرتکب ہوا ہوں۔انہوں نے کہاکہ چیلنج کرتا ہوں نیب مجھے نوٹس بھیجے، ان کے منہ پر ان کے کرتوت بتائوں گا،چیئرمین نیب حکومتی ایما پر کام کرتے ہیں، چیئرمین نیب حکومت کے ہاتھوں بلیک میل ہو رہے ہیں، قانون کا غلط استعمال سب سے زیادہ چیئرمین نیب کر رہے ہیں۔ 31اے سب سے پہلے چیئرمین نیب پر لگنا چاہئے،نیب کو حکومت کے اشاروں پر استعمال کیا جارہا ہے، منتظر ہوں نیب مجھے آکر دیکھے، یہ بدمعاشی نہیں چلے گی، نیب اس ملک کے معزز لوگوں کے ساتھ زیادتی کررہی ہے، ظلم کرو،لوگوں کامستقبل بربادکرو،ہم بات نہ کریں ایسانہیں ہوسکتا۔انہوں نے کہاکہ جو مجھے بولنا ہے میں بولوں گا آپ غلط آدمی سے پنگا لے رہے ہیں، حلیم عادل شیخ نے غلط طریقے سے لوگوں کو زمینیں بیچی ہیں، میں کہہ رہا ہوں ان کا نام ای سی ایل میں ڈالو تو ان کوتکلیف ہورہی ہے۔سعیدغنی نے کہا کہ میں کہتا ہوں پہلی پیشی پرپورے سال کاریمانڈلے لومیرا، مجھے نوٹس بھیجیں بلائیں میں ضمانت بھی نہیں کرائوں گا، چیئرمین نیب 80 سال کے ہو گے ہیں، بد قسمتی سے ظالمانہ قانون نیب کا ہے، چیئرمین نیب بلیک میل ہورہے ہیں تو عہدہ چھوڑ دیں۔سعیدغنی نے کہا کہ نیب نے جو گاڑیاں تحویل میں لیں وہ کن کے استعمال میں ہیں؟، نیب کے افسران قبضے میں لی گئی گاڑیاں استعمال کرتے ہیں۔ میری گاڑیوں کی وڈیو بنانے والے ان کی وڈیوز بھی بنائیں۔ حکومت کی طرح نیب نالائق اور نااہل ہے۔وزیرتعلیم نے کہاکہ میں کہہ رہا ہوں خورشید شاہ کے ساتھ زیادتی ہورہی ہے، آصف علی زرداری اور اعجاز جکھرانی کے ساتھ نا انصافی اور انتقامی کارروائی ہورہی ہے۔