بہاولپور، لاہور ( آن لائن، این این آئی )بہاولپور میں موٹر سائیکل سواروں نے دو کمسن لڑکیوں کو اغوا کرنے کے بعد زیادتی کا نشانہ بنایا اور دونوں کو راستے میں پھینک کر فرا ر ہوگئے۔ پولیس کے مطابق تھانا دھوڑکوٹ کی بستی لوہاری والی کی رہائشی کمسن سمیرا بی بی اپنی
سہیلی امیمہ بی بی کے ہمراہ سودا سلف لے کر پیدل گھر جا رہی تھیں کہ راستے میں موٹرسائیکل سوار محمد اظہر اور محمد صدیق درکھان نے لڑکیوں کو گھر تک چھوڑنے کا جھانسہ دے کر اغوا کر لیا اور نامعلوم مقام پر لے جا کر دونوں کو زبردستی زیادتی کا نشانہ بنانے کے بعد راستے میں پھینک کر فرار ہو گئے۔پولیس کے مطابق زبردستی زیادتی کا نشانہ بننے والی سمیرا کے والد کی مدعیت میں تھانا دھوڑکوٹ نے مقدمہ درج کر لیا گیا تاہم اب تک کوئی گرفتاری عمل میں نہیں آئی ہے ، دوسری جانب اکبری گیٹ پولیس نے نوکری کے بہانے جواں سالہ خاتون سے زیادتی کرنے والے ملزم کو گرفتار کرلیا۔ملزم نے 30 سالہ غریب عورت کو کام کاج دلانے کے بہانے بلا کر زیادتی کا نشانہ بنا دیا۔اطلاع ملنے پر فوری ملزم کو گرفتار کر لیا گیا۔ملزم ولید کے خلاف مقدمہ درج کر کے تحقیقات کاآغاز کردیاگیا ۔
