ٹنڈو آدم (این این آئی) صوبہ سندھ کی تحصیل ٹنڈوآدم میں کمسن بچے پر انسانیت سوز تشدد کا واقعہ رونما ہوا ہے۔تفصیلات کے مطابق ٹنڈوآدم کے علاقے گوٹھ خیر محمد مری میں چوڑی کے کارخانے میں مزدوری کرنے والے کم عمر بچے عدیل پر مالک نے کسی غلطی پر مورد الزام ٹہرایا اور اس پر انسانیت سوز تشدد کیا، کمسن بچے پر
تشدد کی ویڈیو سوشل میڈیا پر وائرل ہوگئی ہے۔وائرل ویڈیو میں دیکھا جاسکتا ہے کہ کارخانے کا مالک بچے کو تشدد کے دوران اس کی پیٹھ پر سویاں چبھو چبھو کر شدید تشدد کا نشانہ رہا ہے، بچہ درد سے نڈھال رحم کی اپیل کرتا رہا مگر سفاک مالک نے اس کی ایک نہ سنی اور اس پر بہیمانہ تشدد جاری رکھا، بچے پر تشدد کا سلسلہ کافی دیر تک جاری رہا۔وائرل ویڈیو میں دیکھا جاسکتا ہے کہ اس کارخانے میں مزید کئی کمسن بچے بھی کام کررہے ہیں ان کے سامنے یہ تشدد کیا جاتا رہا۔کمسن بچے پر تشدد کی ویڈیو سوشل میڈیا پر وائرل ہونے پر اے ایس پی ٹنڈوآدم ایاز حسین جتوئی اور ایس ایس پی سانگھڑ فرخ علی لنجار نے نوٹس لیا اور ایس ایچ او ٹنڈوآدم کو فوری ملزمان کی گرفتاری کا حکم دیا۔ایس ایچ او نے اعلی حکام کی ہدایت پر کارروائی کرتے ہوئے واقعے میں ملوث دو ملزمان کو گرفتار کرلیا۔جبکہ متاثرہ بچے کے اہل خانہ کی مدعیت میں مقدمہ درج کرلیا ہے۔دوسری جانب سانگلہ ہل پنڈوریاں چوکی ناکہ سے چندمیٹرکے فاصلے پرتھانہ پنڈی بھٹیاں کی حدودمیں درجن بھرمسلح ڈاکوئوں کی لوٹ مار۔راہگیروں۔کاروں موٹرسائیکل سواروں سے ہزاروں روپے لوٹ لئے۔خواتین کی بے حرمتی کی گئی۔پنڈی بھٹیاں پولیس چوک میں کھڑی تماشہ دیکھتی رہی۔عینی شاہدین کے مطابق لوٹ مار کا یہ واقع پنڈوریاں چوکی ناکہ سے چند میٹر کے فاصلے پر پیش آیا جہاں پر مسلح ڈاکوؤں نے لوٹ مار کرتے ہوئے راہگیروں سے ہزاروں روپے نقدی اور قیمتی اشیاء کو لوٹ لیا اور خواتین کی بے حرمتی بھی کی شہریوں نے آئی جی پنجاب اور وزیر اعلی پنجاب سے نوٹس لینیکا مطالبہ کیا ہے۔
