ممبئی(نیوز ڈیسک) سلمان خان نے بھی عامر خان کے بعد اپنے وزن میں اضافہ کرنے کا اعلان کیا ہے، وہ اپنی فلم سلطان کے لئے وزن میں 10 کلوگرام تک اضافہ کریں گے۔ عامر خان ان دنوں اپنی فلم کی شوٹنگ میں مصروف ہیں، فلم کے لئے انہوں نے اپنے وزن میں 20 کلوگرام تک اضافہ کیا کیوں کہ انہیں ایک پہلوان کا کردار نبھایا تھا۔ سلمان خان نے بھی اب اعلان کیا ہے کہ وہ اپنا وزن بڑھا رہے ہیں۔ سلمان خان نے فلم سلطان سائن کی ہے۔ ایکشن فلم کے لئے انہیں اپنے وزن میں اضافہ کرنے کا مشورہ دیا گیا کیونکہ اس میں انہیں بہت سے فائٹنگ سینز سے بھی گزرنا ہو گا۔ فلم ذرائع کے مطابق سلمان خان موٹے لگنے کی بجائے اپنے مسلز کے سائز میں اضافہ کریں گے تاہم فلم میں وہ کیا کردار نبھا رہے ہیں، اس بارے میں کچھ نہیں بتایا گیا۔