اسلام آباد (این این آئی) وزیر اعظم عمران خان نے کہا ہے کہ نوازشریف دور میں پنجاب پولیس میں 25 ہزار مجرموں کو بھرتی کیا گیا۔ ٹیلیفون پر عوام کے سوالوں کا جواب دیتے ہوئے وزیراعظم نے کاہ کہ ہم اپنے اداروں اور معیشت کو مزید بہتر کریں گے۔ انہوں نے کہاکہ30 سال سے پنجاب میں ن لیگ کی حکومت ہے، نوازشریف
دور میں پنجاب پولیس میں 25 ہزار مجرموں کو بھرتی کیا گیا، ن لیگ کے ایم پی ایز اور ایم این ایز نے زمینوں پر قبضے کیے ہوئے تھے، جب پولیس کو مخالفین کیخلاف استعمال کیا جائے تو اس نے خراب ہونا ہے، پنجاب پولیس کو ٹھیک کرنے کی کوشش کر رہے ہیں لیکن تھوڑاوقت لگے گا، قوم اٹھتی ہے اور اپنے اداروں کو بہتر کرتی ہے، جس ملک کے ادارے بہتر ہوتے وہ قوم آگے نکل جاتی ہے، مدینہ کی ریاست میں قانون کی بالا دستی تھی۔وزیر اعظم عمران خان نے کہا ہے کہ فلسطین کے حوالے سے دنیا میں شعور بیدار ہورہا ہے،فلسطین کا مسئلہ بھی کشمیر کی طرح ہے، وہاں بھی ان کی زمینوں پر قبضہ ہے۔ عوام سے ٹیلیفون پر گفتگو میں فلسطین پر بات کرتے ہوئے انہوں نے کہا کہ فلسطین کا مسئلہ بھی کشمیر کی طرح ہے، وہاں بھی ان کی زمینوں پر قبضہ ہے تاہم کشمیر میں ابھی شروع ہوا ہے جہاں ان کی زمینوں کی ملکیت تبدیل کر رہے ہیں یعنی باہر سے لا کر کشمیر میں لوگوں کو بسا رہے ہیں۔انہوں نے کہا کہ اسی طرح فلسطین تھوڑا سا رہ گیا ہے باقی سب پر اپنے لوگ لا کر بسایا اور قبضہ کرلیا ہے، فلسطین میں لوگوں کو ڈرا کر خوف سے دبائیں گے کیونکہ ان کے پاس طاقت ور فوج ہے لیکن یہ حل نہیں ہے،وہ سمجھتے ہیں کہ ہم اتنا ظلم کریں گے کہ وہ چپ کرکے غلام بن جائیں گے، سب کو پتہ ہے یہ مسئلے کا حل
نہیں ہے۔وزیراعظم نے کہاکہ دو حل ہیں یا تو پھر یہ ان کو جس طرح مسلمان اور یہودیوں کو آج سے 5،6 سو سال پہلے اسپین سے سب کو نکال دیا تھا، نسلی بنیادوں کا خاتمہ کردیا تھا یا تو یہ وہ کریں گے۔انہوں نے کہا کہ وہ جو ساری دنیا دیکھ رہی ہے، دنیا میں پہلی دفعہ شعور آیا ہے، سوشل میڈیا کی وجہ سے امریکا جیسی جگہ پر پہلی دفعہ
لوگ شروع ہوگئے ہیں کہ فلسطین میں لوگوں پر ظلم ہورہا ہے، مغرب میں ایسا نہیں کہا جاتا تھا تو اس لیے وہ تو ہو نہیں سکتا،یا پھر ان کو دو ریاستی حل نکالنا ہوگا یعنی فلسطینیوں کو منصفانہ گھر دینا پڑے گا، میرے خیال میں اس وقت بین الاقوامی میڈیا اور دنیا میں جو شعور اور جس طرح کی تحریک چل پڑی ہے، یہ تحریک فلسطینیوں کو ایک حل دینے کی طرف جائے گی۔
