اسلام آباد (این این آئی)یکم جون سے پٹرولیم مصنوعات کی قیمتوں میں ردوبدل کی سمری تیار کرلی گئی۔ ذرائع کے مطابق اوگرا نے پٹرولیم مصنوعات کی قیمتوں میں ردوبدل کی سمری وزارت پٹرولیم کو ارسال کر دی،ہائی اسپیڈ ڈیزل کی قیمت میں 4 روپے 32 پیسے فی لیٹر اضافے اور پٹرول کی قیمت موجود سطح پر برقرار
رکھنے کی سفارش کی گئی۔ سمری میں مٹی کے تیل اور لائٹ ڈیزل آئل کی قیمتوں کو بھی موجود سطح پر برقرار رکھنے کی سفارش کی گئی،وزارت خزانہ وزیراعظم سے مشاورت کے بعد 31 مئی کو پٹرولیم مصنوعات کی قیمتوں میں ردوبدل کی منظوری دے گی۔وزیر مملکت اطلاعات و نشریات فرخ حبیب نے کہاہے کہ وزیراعظم عمران خان کی خاص ہدایات پر ایف بی آر میں اصلاحات کے باعث سیلز ٹیکس کولیکشن میں 28فیصد اضافہ ہوا۔اپنے بیان میں انہوں نے کہاکہ سمگلنگ کی روک تھام سمیت دیگر اقدامات کے کسٹمز ریوینو میں 18فیصد اضافہ ہوا۔ انہوں نے کہاکہ فیڈرل ایکسائز ڈیوٹی میں 11.5فیصد اضافہ،نئے ٹیکس فائلزز کی تعداد میں اضافہ کے باعث حاصل ہونے والے ریونیو میں 54 فیصد اضافہ ہوا۔ فرخ حبیب نے کہاکہ ن لیگ کے آخری سال 2017-18 میں 60 ارب ڈالر کی درآمدات (import) پر ریونیو، amnesty scheme اور ریفنڈز روک کر صرف 3840 ارب ٹیکس جمع کیا تھا۔ وزیر مملکت نے کہاکہ پاکستان تحریک انصاف کی حکومت نے 216 ارب روپے ریکارڈ ریفنڈز واپس کیا۔ وزیر مملکت نے کہاکہ20 فیصددرآمدات میں کمی کے باوجود اس سال11ماہ میں 4140 ارب روپے ریکارڈ ٹیکس جمع کیا۔
