لندن(نیوزڈیسک)ریحام خان کی تعلیم سے متعلق انکشاف کرنے والے برطانوی صحافی نے دعویٰ کیا ہے کہ ان کی جانب سے ریہام کی تعلیم سے متعلق خبر کے بعد لگتا ہے کہ ریہام خان اپنے ماضی کے بارے میں الجھن کا شکار ہیں ۔برطانوی صحافی کا کہنا ہے کہ انہوں نے انکشاف کیا تھا کہ بی بی سی کی پرینٹر ریحام نے جس کالج سے صحافت کی تعلیم حاصل کرنے کا دعویٰ کیا ہے ،وہاں ان کا بطور طالب علم کوئی ریکارڈ نہیں ہے۔انہوں نے کہا کہ لگتا ہے کہ عمران خان کی نئی بیوی ریحام اپنے ماضی کے بارے میں بہت الجھن کا شکار ہیں۔ صحافی کا کہنا ہے کہ ریحام نے اب اپنی ویب سائٹ پر تبدیلی کرلی ہے،جہاں انہوں نے پہلے دعویٰ کیا تھا کہ انہوں نے لنزے کالج میں تعلیم حاصل کی ،لیکن اب وہ کہتی ہیں کہ انہوں نے وہاں سے 30 میل دور گرمزبے انسٹی ٹیوٹ Grimsby Institute سے پڑھا ہے۔برطانوی صحافی کے مطابق ریحام نے ہمدردی سمیٹنے والے انداز میں کہا ہے کہ وہ ملازمت پیشہ ماں ہیں ،اُن کی کوئی پی آر کمپنی ، دفتر یا ترجمان نہیں ہے