اسلام آباد(این این آئی)پاکستان انسٹیٹیوٹ آف میڈیکل سائنسز (پمز) ہسپتال اسلام آباد میں کورونا مریضوں کیلئے آکسیجن پریشر برقرار رکھنے کیلئے سرجری روکنے کا فیصلہ کیا ہے۔ہسپتال انتظامیہ کے مطابق کورونا مریضوں کے باعث پمز ہسپتال پر پریشر بڑھ گیا ہے ، کورونا مریضوں کیلئے آکسیجن پریشر برقرار رکھنے کیلئے سرجری روکنے کا فیصلہ کیا گیا ہے۔ہسپتال انتظامیہ نے بتایا کہ ایسے آئی سی یونٹ کو بھی آکسیجن سپلائی بند کردی گئی جہاں مریض
موجود نہیں جبکہ پمز ہسپتال میں تمام طے شدہ آپریشن کو فی الحال روک دیا گیا ہے، پمز میں صرف ایمرجنسی میں آپریشن کیے جائیں گے۔ہسپتال انتظامیہ کے مطابق طے شدہ سرجری روکنے کا مقصد کورونا مریضوں کیلئے آکسیجن پریشر برقراررکھنا ہے، ہسپتال کی یومیہ آکسیجن سپلائی 7 ہزار لیٹر تک کر دی گئی ہے۔ہسپتال انتظامیہ کا کہنا ہے کہ پمزہسپتال میں گزشتہ رات کورونا مریضوں کیلئے مختص وینٹی لیٹرزکا آکسیجن پریشرکم ہواتھا۔
