ممبئی (نیوز ڈیسک)سلمان خان کی آنے والی نئی فلم بجرنگ بھائی جان عید سے قبل 17 جولائی کو دنیا بھر میں سنیما گھروں کی زینت بنے گی بالی وڈ کے اداکار سلمان خان کو اس بات کا افسوس ہے کہ وہ فلموں میں تو سپر سٹار بن گئے لیکن نمبر ون بیٹے نہیں بن پائے۔اپنی ہوم پروڈکشن کی پہلی فلم ’بجرنگ بھائی جان‘ کی پروموشن کے موقع پر دیے گئے ایک انٹرویو کے دوران سلمان خان نے کچھ ایسی باتیں کہیں جو پہلے کبھی نہیں کہی تھیں۔سلمان خان عدالت میں چل رہے ممبئی کے ’ہٹ اینڈ رن‘ کیس اور راجستھان میں غیر قانونی شکار کے مقدمات کے متعلق بات کرتے ہوئے کہا ’میں ایک اچھا بیٹا بننے کی پوری کوشش میں لگا ہوا ہوں لیکن مجھے لگتا ہے کہ میری وجہ سے میرے خاندان والوں کو بہت تکلیف اور تشویشات لاحق ہیں۔ اس کی وجہ میرے مقدمات ہیں جس کی وجہ سے میرے ماں باپ بھی وقت سے پہلے بوڑھے ہو چکے ہیں۔