لاہور (نیوزڈیسک) لاہور ہائیکورٹ نے پاکستان پیپلز پارٹی کے شریک چیئرمین و سابق صدرآصف علی زرداری کے خلاف آرٹیکل 6کے تحت مقدمہ درج کرنے سے متعلق کیس کی سماعت 28جولائی تک ملتوی کردی۔ گزشتہ روز لاہورہائیکورٹ کے جسٹس سیدمنصورعلی شاہ نے کیس کی سماعت کی۔درخواست گزار آفتاب ورک کی جانب سے موقف اختیار کیا گیا کہ آصف علی زرداری نے فوج کے خلاف اشتعال انگیز بیان دیاجو کے بغاوت کے مترادف ہے، لہٰذا معزز عدالت سے استدعا ہے کہ آصف علی زرداری کےخلاف آئین کے آرٹیکل 6کے تحت غداری کامقدمہ درج کرنے کا حکم دیاجائے۔دوران سماعت ،عدالت نے وکلا ءکی مزید مہلت کی استدعا منظور کرتے ہوئے کیس کی مزید سماعت 28جولائی تک ملتوی کردی ۔