ریاض(این این آئی) سعودی عرب میں غیرملکی ملازمین کیلئے ‘قویٰ نامی آن لائن سروس فراہم کی گئی ہے جس سے لیبر سیکٹر کا معیار بلند ہوگا اور ورکرز کو سہولتیں میسر آئیں گی۔غیرملکی میڈیاکے مطابق ’قویٰ‘ سروس سے غیر ملکی اپنے ملازمت کے معاہدوں تک رسائی بھی حاصل کرسکتے ہیں، اس آن لائن پلیٹ فارم کا مقصد سعودی عرب میں سرمایہ کاری کے لیے پرکشش ماحول پیدا کرنا اور سرکاری ونجی ایجنسیوں کے ذریعے فراہم کردہ خدمات کی وسعت ہے۔سعودی وزارت انسانی وسائل اور سماجی ترقی (ایم ایچ آر ایس ڈی) کی جانب سے یہ سروس فراہم کی

گئی ہے۔سعودی وژن 2030 کے تحت اس طرح کے اقدامات اٹھائے جارہے ہیں۔ قویٰ کے ذریعے ای خدمات کا دائرہ بھی بڑھے گا۔ مملکت میں کام کرنے والے ناصرف اپنے معاہدے تک رسائی رکھیں گے بلکہ ملازمت کے اختتام پر دوسرے آجر تک منتقل میں بھی اس سروس کا کردار نمایاں رہے گا۔ریاض میں انسٹیٹیوٹ آف پبلک ایڈمنسٹریشن میں قانون کے پروفیسر ڈاکٹر اسامہ العبیدی کا کہنا ہے کہ اس سروس سے سرکاری اور نجی شعبوں کے مابین شفافیت اور تعاون پروان چڑھے گا۔انہوں نے یہ بھی بتایا کہ اس پیش کردہ خدمات میں ماہانہ رپورٹس بھی شامل کی گئی ہیں۔