اسلا م آباد(نیوز ڈیسک)وزیر اعلیٰ ہاﺅس میں ہونے والے سندھ ایپکس کمیٹی اجلاس کی اندرونی کہانی سامنے آگئی۔ بلاول بھٹو زرداری کو اجلاس میں شرکت سے روک دیا گیا تھا تاہم چیئرمین پیپلز پارٹی کی کور کمانڈر اور ڈی جی رینجرز سے ملاقات ہوئی۔ ذرائع کے مطابق پیپلز پارٹی نے ایپکس کمیٹی کے اجلاس میں بلاول بھٹو کی شرکت کیلئے خواہش ظاہر کی لیکن اس کے باوجود بلاول بھٹو زرداری کو اجلاس میں شرکت سے روکنے کا جواز یہ پیش کیا گیا کہ پارٹی چیئرمین کے پاس ایپکس کمیٹی اجلاس میں شرکت کا مینڈیٹ نہیں۔ ایپکس کمیٹی کے اجلاس سے پہلے 2گھنٹے 32منٹ تک جاری رہنے والا ایک اور اجلاس ہوا جس میں کور کمانڈر، ڈی جی رینجرز، گورنر سندھ، وزیر اعلیٰ اور بلاول بھٹو نے شرکت کی۔ بلاول بھٹو کی کور کمانڈر اور ڈی جی رینجرز س ملاقات بھی پہلے طے نہ تھی۔
مزیدپڑھیے :ایم کیوایم کابی بی سی کیخلاف عدالت نہ جانے کااعلان