لاہور (این این آئی) مسلم لیگ(ن)کی نائب صدر مریم نواز نے کہا ہے کہ حکومت نے کینسر کے مریضوں کے لیے مفت دوائی بند کردی، حکومت خود پاکستان کے لیے کینسر بن چکی ہے۔سماجی رابطے کی ویب سائٹ ٹویٹر پر اپنی ٹویٹ میں مسلم لیگ (ن)کی نائب صدر مریم نواز کا کہنا تھا کہ کینسر کے مریضوں کے لیئے مفت دوائی اس

حکومت نے بند کی جو خود پاکستان کے لیئے کینسر بن چکی ہے۔مریم نواز کا کہنا تھا کہ کینسر کے مفت علاج کے نام پر چندہ خور عناصر نے اقتدار میں آکر کینسر کے مریضوں کے سرکاری علاج کا حق بھی چھین لیا۔دوسری جانب کینسر کے مریضوں نے ادویات کی فراہمی بند ہونے کے خلاف کلمہ چوک پر میٹرو بس ٹریک پر دھرنا دے کر احتجاج کیا، مظاہرین کے دھرنے اور احتجاج کے باعث میٹرو بس سروس ڈھائی گھنٹے تک معطل رہی۔ مظاہرین کا کہنا تھاکہ کینسر کے مریضوں کو مفت ادویات فراہم کی جارہی تھیں لیکن اب دو ماہ سے ادویات کی فراہمی بند ہے اور اس کی وجوہات بھی نہیں بتائی جارہیں۔ مظاہرین نے کلمہ چوک کے مقام پر میٹروٹریک پر دھرنا دیدیا جس کے باعث مسافربسوں سے نیچے اتر گئے۔ اسسٹنٹ کمشنر ماڈل ٹاؤن ذیشان رانجھا اور دیگر نے مظاہرین سے مذاکرات کئے اور انہیں یقین دہانی کرائی گئی کہ تین سے چار رو ز میں ان کے مطالبا ت تسلیم کرتے ہوئے ادویات بحال کر دی جائیں گی، مظاہرین کی جانب سے احتجاج ختم ہونے کے بعد میٹرو بس سروس کو دوبارہ بحال کر دیا گیا۔ سماجی رابطے کی ویب سائٹ ٹویٹر پر اپنی ٹویٹ میں مسلم لیگ (ن)کی نائب صدر مریم نواز کا کہنا تھا کہ کینسر کے مریضوں کے لیئے مفت دوائی اس حکومت نے بند کی جو خود پاکستان کے لیئے کینسر بن چکی ہے۔مریم نواز کا کہنا تھا کہ کینسر کے مفت علاج کے نام پر چندہ خور عناصر نے اقتدار میں آکر کینسر کے مریضوں کے سرکاری علاج کا حق بھی چھین لیا