لاہور(نیوزڈیسک)انسداد دہشت گردی کی خصوصی عدالت نے تحریک انصاف کے رکن صوبائی اسمبلی مسعود شفقت ربیرہ کی فائرنگ کر کے خو ف وہراس پھیلانے کے مقدمے میں عبوری ضمانت منظور کر لی۔ گزشتہ روز انسداد دہشت گردی کی خصوصی عدالت کے جج ہارون لطیف نے سماعت کی۔ عدالت نے مسعود شفقت ربیرہ کی 27جولائی تک ضمانت منظور کرتے ہوئے انہیں پچاس ہزار روپے کے مچلکے جمع کروانے کی ہدایت کر دی ۔ مسعود شفقت ربیرہ کے خلاف تھانہ صدر گوگیرہ اوکاڑہ نے جائیداد کے تنازعے پر فائرنگ کر کے خوف و ہراس پھیلانے کا مقدمہ درج کر رکھا ہے