اسلام آباد(مانیٹرنگ ڈیسک )پی ڈی ایم نے قومی اسمبلی اسپیکر اور تین وزرائے اعلی کیخلاف تحریک عدم اعتماد لانے کیلئے کوششیں تیز کر دی ہیں ۔ پی پی پی چیئرمین بلاول بھٹو نے کہا ہے کہ ہم اسپیکر قومی اسمبلی اور تین وزرائے اعلیٰ کیخلاف تحریک عدم اعتماد لانے کا

عندیہ دے دیا ہے۔ان کا کہنا تھا کہ کب، کہاں اور کس کیخلاف عدم اعتماد لانا ہے، فیصلہ پی ڈی ایم کرے گی۔بلاول بھٹو نے کہا کہ جب آصف زرداری، نواز شریف اور مولانا فضل الرحمان مل کر پلان بنائیں گے تو آپ مقابلہ نہیں کر سکیں گے۔نجی ٹی وی ہم نیوز کو باوثوق ذرائع نے بتایا کہ بلاول بھٹو وزیراعلیٰ پنجاب کی تبدیلی کیلئے سرگرم ہیں۔ چیئرمین پیپلز پارٹی لاہور پہنچ گئے ہیں اور آج ماڈل ٹاؤن میں اپوزیشن لیڈر پنجاب اسمبلی حمزہ شہباز سے ملاقات کریں گے۔چئیرمین سینیٹ اور پنجاب میں ان ہاؤس تبدیلی پر بات ہوگی، لانگ مارچ پر بھی تبادلہ خیال کیا جائے گا۔