اسلام آباد(نیوز ڈیسک)انسداد دہشت گردی عدالت کی اجازت سے رینجرز نے ڈاکٹر عمران فاروق قتل کیس میں ملوث ملزم معظم علی خان کو تفتیش کے لئے ایف آئی اے کی تحویل میں دے دیا۔ رینجرز نے انسداد دہشت گردی عدالت میں ڈاکٹر عمران فاروق قتل کیس میں ملوث ملزم معظم علی خان کو تفتیش کے لئے ایف آئی اے کے حوالے کرنے سے متعلق درخواست پیش کی جس کی عدالت نے منظوری دے دی۔ رینجرز کے سیکٹر کمانڈر کا خط بھی پیش کیا گیا جس میں کہا گیا ہے کہ ملزم سے تفتیش کے لئے ایف آئی اے کو 27 جون کو این او سی جاری کر دیا گیا ہے۔ ملزم معظم علی خان کو عزیز آباد سے گرفتار کیا گیا تھا اور 13 اپریل کو 90 دن کے لئَے رینجرز کی تحویل میں دیا گیا۔