لاہور(نیوزڈیسک)نامور اداکار ہ مائرہ خان نے کہا ہے کہ عید الفطر پر پیش ہونے والی فلم ” بن روئے “ سے بڑی امیدیں وابستہ کر رکھی ہیں ، فلم کا موضوع منفرد نوعیت کا ہے جس میں معاشرے کے سلگتے ہوئے مسائل کو بھی اجاگر کیا گیا ہے ۔ ایک انٹر ویو میں اداکارہ نے کہا کہ فلم کا اسکرپٹ دیکھ کر کام کرنے کی حامی بھری اور کوشش کی ہے کہ اپنے کردار کو حقیقت کا رنگ دے سکوں ۔ اداکارہ نے مزید کہا کہ پاکستان فلم انڈسٹری کو نئے رائٹرز ،ڈائریکٹرز اور خصوصاًنئے اسکرپٹس کی اشد ضرورت ہے اور اگر ہم اس پر کاربند ہوگئے تو ہماری انڈسٹری یقینا ترقی کی راہ پرگامزن ہو جائے گی۔انہوں نے کہا کہ فلم کی شوٹنگ کے دوران سینئر اداکار جاوید شیخ اور زیبا بختیار نے میری بڑی رہنمائی کی جس پر میں ان کی شکر گزار ہوں۔