اسلام آباد (مانیٹرنگ ڈیسک )آج منگل کے روز ملک کے بیشترعلاقوں میں موسم سرد اور خشک جبکہ خطہ پوٹھوہار ، خیبر پختونخوا، کشمیراورگلگت بلتستان میں جزوی ابر آلود رہنے کے علاوہ چند مقامات پرہلکی بارش اورپہا ڑوں پربرفباری کا امکان ظاہر کیا گیا ہے۔محکمہ موسمیات کے

مطابق بدھ کے روز اسلام آباد،بالائی پنجاب، خیبر پختونخوا، کشمیراورگلگت بلتستان میں مطلع ابرآلود رہنے کے ساتھ چند مقامات پربارش اور پہاڑوں پر برفباری کا امکان ہے۔جبکہ ملک کے دیگر علاقوں میں موسم سرد اور خشک رہے گا۔رپورٹ کے مطابق سیالکوٹ، ناروال، گجرات، منڈی بہاوالدین، قصور، شیخوپورہ، اٹک، جہلم، چکوال، سرگودھا، خوشاب، میانوالی، بھکر،گوجرانوالہ، حافظ آباد، پاکپتن اور لیہ سمیت مختلف شہروں میں گرج چمک کے ساتھ بارش کا امکان ہے، تاہم پنجاب کے دیگر اضلاع میں موسم خشک اور سرد رہنے کاامکان ظاہر کیا گیا ہے ۔ گذشتہ 24 گھنٹے کا موسم ملک کے بیشترعلاقوں میں موسم سرد اور خشک جبکہ بالائی علاقوں اور شمالی بلوچستان میں شدید سردرہا۔ آج ریکارڈکیےگئےکم سےکم درجہ حرارت : لہہ منفی 11 ، اسکردو منفی10، گوپس منفی 09،کالام بگروٹ،استور،ہنزہ اور زیارت میں منفی 05 ڈگری سینٹی گریڈریکارڈ کیا گیا۔