ممبئی (نیوز ڈیسک) بالی ووڈ اداکارہ کرینہ کپور کہتی ہیں کہ کوئی بھی لڑکی دوسری کرینہ کپور نہیں بن سکتی ہے۔ اپنے نئے آئٹم سانگ میرا نام میری کی پروموشنل تقریب میں میڈیا سے بات چیت کرتے ہوئے اداکارہ نے کہا کہ ہر شخص کی اپنی شخصیت ہونی چاہئے اور کسی کو کسی دوسرے جیسا نہیں ہونا چاہئے۔ دراصل اداکار سدھارتھ ملہوترا نے ایک انٹرویو میں کہا تھا کہ اگر انہیں چھوٹی کرینہ مل جائیں تو وہ اس کے ساتھ ڈیٹ پر جانا پسند کریں گے۔ اس پر ردعمل ظاہر کرتے ہوئے اداکارہ نے کہا کہ میں اسے اپنے لئے اعزاز سمجھتی ہوں کہ سدھارتھ میرے بارے میں ایسا سوچتے ہیں۔ وہ میرے اچھے دوست ہیں لیکن ظاہر سی بات ہے کہ وہ میرے ساتھ ڈیٹ پر نہیں جاسکتے اور کوئی دوسری لڑکی کرینہ بن نہیں سکتی۔کرینہ کا نیا آئٹم سانگ ہدایتکار کرن جوہر کی فلم برادرز میں شامل کیا گیا ہے۔ یہ فلم ہالی ووڈ میں 2011میں ریلیز ہونے والی فلم واریئرز کا ری میک ہے۔ کرینہ اب آئٹم سانگ نہیں کرتی ہیں تاہم ان کا کہنا ہے کہ جب کرن جوہر نے ان سے ایسا کرنے کو کہا تو وہ انکار نہیں کرسکیں ۔