پشاور(نیوزڈیسک)وفاقی حکومت کی 150اہم شخصیات پرکرپشن کے مقدمات،پرویزخٹک نے باﺅنسر دے مارا،وزیراعلیٰ نے مزید کہاکہ وفاقی سطح پر کرپشن کے بھاری الزامات بھی عوام کے علم میں ہیں اسلئے ہم اُمید کرتے ہیں کہ نیب بھی وفاقی محکموں اور وزراءکے خلاف کرپشن کے الزامات پر آزادانہ تحقیقات کرے گا انہوں نے کہا کہ نیب کی طرف سے کرپشن مقدمات کے سلسلے میں وفاقی حکومت کے 150 افراد کے ناموں پر مشتمل فہرست سپریم کورٹ کو ارسال کرنے کا معاملہ بھی عوام کے علم میں ہے اور اب عوامی سطح پر یہ توقع کی جارہی ہے کہ ان بڑی مچھلیوں کے خلاف بھی نیب کاروائی کرے گا جو کرپشن کے بڑے مقدمات میں ملوث ہیں اور جن سے قومی خزانے کو 50 ارب روپے کا نقصان پہنچا ہے ۔وزیر اعلیٰ خیبرپختونخوا پرویز خٹک نے کہا ہے کہ خیبرپختونخوا احتساب کمیشن مکمل طور پر آزاد ادارہ ہے جو 2014 میں خیبرپختونخوا اسمبلی سے منظور شدہ متفقہ ایکٹ کے نتیجے میں قائم کیا گیا ہے انہوں نے کہاکہ قومی احتساب بیورو(نیب)کو بھی خیبرپختونخوا حکومت کے نقش قدم پر چلتے ہوئے وفاقی حکومت کے خلاف کرپشن کے مقد مات کی اسی طرح آزادانہ تفتیش کرنی چاہیئے جس طرح خیبرپختونخوا کی احتساب کمیشن نے حکمران جماعت کے وزیر کے خلاف کی ہے اپنے ایک بیان میں اُنہوں نے کہا کہ صوبائی حکومت کا احتساب کمیشن کسی اثرو رسوخ یا رو رعایت کے بغیر کرپشن کے مقدمات سے نمٹنے کیلئے قائم کیا گیا ہے انہوں نے کہا کہ خیبرپختونخوا احتساب کمیشن ایکٹ کے تحت کمیشن کسی بھی سطح پر وزیراعلیٰ کو رپورٹ نہیں کرتا اسلئے وزیراعلیٰ سے ہدایات لینے کے الزامات سراسر غلط اور بدنیتی پر مبنی ہیں جن سے عوام اور میڈیا کو گمراہ کیا جارہا ہے پرویزخٹک نے کہا کہ حکمران جماعت کے موجودہ صوبائی وزیر کی کرپشن کے مقدمہ میں گرفتاری اس حقیقت کا واضح ثبوت ہے کہ صوبائی احتساب ادارہ مکمل طور پر آزاد ، با اختیار اور خود مختار ہے انہوں نے کہا کہ قومی خزانے کو نقصان پہنچانے پر صوبائی احتساب کمیشن صوبائی اداروں، سرکاری ملازمین ، سیاستدانوںاور عام شہریوں پر ہاتھ ڈالنے کا مجاز ہے اسلئے صوبائی احتساب کمیشن کو اختیار حاصل ہے کہ وہ کرپشن اور دیگر بدعنوانیوں کو بے نقاب کرنے کیلئے کسی بھی سطح پر اور کسی بھی شخص یا ادارے کے خلاف تفتیش یا تحقیق کرے