ممبئی(نیوز ڈیسک) بالی ووڈ اداکارہ کرینہ کپور فلم برادرز میں جلوے بکھیریں گی، کرینہ کپور اس فلم میں اداکاری نہیں کر رہی لیکن انہوں نے اس کے ایک آئٹم سانگ میں حصہ لیا ہے، یہ گانا ریلیز ہوتے ہی ہٹ ہو گیا ہے۔ کرینہ کپور نے گانے میرا نام میری ہے میں پرفارم کیا ہے۔ فلم کے پروڈیوسر کرن جوہر ہیں جب کہ کرن ملہوترا نے فلم کی ہدایتکاری کی ہے۔ فلم 14 اگست پر ریلیز کی جائے گی۔ فلم میں اکشے کمار اور سدھارتھ ملہوترا اہم کرداروں میں دکھائی دیں گے۔ ان کے علاوہ جیکولین فرنینڈس اور جیکی شروف نے بھی فلم میں اداکاری کی ہے۔فلم کا ٹریلر 10 جون کو ریلیز کیا گیا تھا تاہم اب اس کا میوزک بھی ریلیز کیا جا چکا ہے۔ فلم 2 جولائی کو برلن فلم فیسٹیول میں بھی نمائش کی لئے پیش کی گئی تھی