اسلام آباد(نیوزڈیسک)تحریک انصاف کے چیئرمین عمران خان اوران کی اہلیہ ریحام خان رواں سال حج کی سعادت حاصل کریں گے۔ذرائع کے مطابق معروف عالم دین مولانا طارق جمیل 2 روزقبل عمران خان کی دعوت افطار پر بنی گالہ گئے تھے جہاں انہوں نے تحریک انصاف کے چیئرمین اور ان کی اہلیہ کو فریضہ حج کی ادائیگی کی تلقین کی اورانہیں دعوت دی کہ دونوں ان کے ہمراہ رواں برس ہی حج کریں جسے انہوں نے قبول کرلیا ۔ تحریک انصاف کے ذرائع نے تصدیق کی کہ عمران خان اوران کی اہلیہ مولانا طارق جمیل کے ہمراہ رواں برس حج ادا کرنے حجاز مقدس جائیں گے۔