لاہور(نیوزڈیسک)پرویز مشرف نے اپنی سرگرمیاںتیز کردیں،اہم ترین رابطہ، سابق صدر جنرل (ر) پرویز مشرف اور پاکستان عوامی تحریک کے سربراہ ڈاکٹر طاہر القادری کے درمیان ایک ہفتے میں دوسری بار ٹیلیفونک رابطہ ہوا ہے ، دونوں رہنماﺅں کے درمیان عید الفطر کے بعد کراچی میں ملاقات ہو گی ۔بتایاگیا ہے کہ گزشتہ روز پاکستان عوامی تحریک کے سربراہ ڈاکٹر طاہر القادری نے سابق صدر و آل پاکستان مسلم لیگ کے سربراہ جنرل (ر) پرویز مشرف سے ٹیلیفونک کیا جو تقریباً 45منٹ تک جاری رہا۔ رابطے کے دوران دونوں رہنماﺅں نے ملک کی موجودہ سیاسی اور مجموعی صورتحال پر تفصیلی خیال کیا ۔دونوں رہنماﺅں نے عید الفطر کے بعد کراچی میں ملاقات پر بھی اتفاق کیا ہے جس میں آئندہ کی حکمت عملی مرتب کئے جانے کا امکان ہے