گوجرانوالہ(نیوزڈیسک)ڈیرہ غازی خان ،گوجرانوالہ اور سیالکوٹ میں طوفانی بارشوں ا ور ندی نالوں میں طغیانی کے بعد فلڈ وارننگ جاری کردی گئی ہے ۔سیلاب کے خطرے کے پیش نظر تمام سرکاری اداروں کے ملازمین کی چھٹیاں منسوخ کردی گئی ہیں ۔ڈیرہ غازی خان، تونسہ اور کوہ سلیمان میں آج صبح طوفانی بارشوں کے بعد برساتی ندی نالوں میں طغیانی آگئی ہے اور نشیبی علاقے زیر آب آگئے ہیں ۔ضلعی انتظامیہ نے ندی نالوں کے اطراف آبادیوں کو محفوظ مقامات پر منتقل ہونے کی ہدایت کی ہے۔ فلڈ فارکاسٹنگ کی جانب سے دریائے چناب میں درمیانے درجے کے سیلاب کی وارننگ کے بعد کمشنر گوجرانوالہ نے ممکنہ سیلاب سے نمٹنے کے لئے تمام محکموں کو الرٹ کردیا ہے۔ پنجاب حکومت کی جانب سے فلڈ وارننگ جاری کرتے ہوئے سیالکوٹ میں ایمر جنسی نافذ کردی گئی ہے ۔ضلعی انتظامیہ نے تمام برساتی نالوں کی صفائی کا کام مکمل کرلیا ہے ۔ڈیرہ غازی خان،گوجرانوالہ اور سیالکوٹ میں تمام سرکاری اداروں کے ملازمین کی چھٹیاں منسوخ کردی گئی ہیں ۔