کراچی(نیوزڈیسک)سندھ میں آج کل زبانیں پھسل جانے کا موسم ہے وزیر اعلی سندھ تو اکثر کچھ کا کچھ کہہ جاتے ہیں مگر یہ اثرات اب دیگر وزراء میں بھی منتقل ہو چکے ہیں۔ سندھ کے وزیر خوراک منظور وسان کی کرپشن کے موضوع پر زبان پھسل گئی۔ منظور وسان نے وزیر خوراک کا قلمدان سنبھالنے کے بعد پہلی نیوز کانفرنس میں انکشاف کیا کہ محکمہ خوراک کے گوداموں سے گندم کی چار لاکھ سے زائد بوریاں غائب ہو چکی ہیں۔ ایک سوال کے جواب میں منظور وسان نے ایف آئی اے کو تنقید کا نشانہ بناتے ہوئے کہا کہ ہر ادارے کو اپنی حدود میں رہ کر کام کرنا چاہیئے اگر بلوچستان کا وزیر اعطم بنے گا تو کیا وہ پنجاب کے خلاف کارروائی کرے گا۔