اسلام آباد(نیوزڈیسک) عمران خان نے گزشتہ روز ڈی جے بٹ کو اسلام آباد مدعو کیا تھا جس کے بعد ڈی جے بٹ آج اسلام آباد میں پی ٹی آئی سینٹرل سیکرٹریٹ پہنچا۔ اس موقع پر میڈیا سے گفتگو کرتے ہوئے پی ٹی آئی کے ترجمان نعیم الحق کا کہنا تھا کہ ہمیں خوشی ہے ڈی جی بٹ نے ہمارا فارمولہ قبول کر لیا ہے۔ ادائیگی کا فارمولہ عمران خان اور فنانس بورڈ کو پیش کیا جائے گا۔ نعیم الحق نے کہا کہ ڈی جے پارٹی اور عمران خان کا چاہنے والا ہے ڈی جے بٹ کو 5 کروڑ 90 لاکھ روپے ادا کر چکے ہیں معلوم نہیں تھا دھرنا 126 دن چلے گا۔ ڈی جے بٹ کو جلد دوبارہ مدعو کیا جائے گا۔ ڈی جے بٹ کا کہنا تھا کہ دو دن بعد ٹی او آرز کو فائنل کر دیا جائے گا۔ عمران خان جب بلائیں گے آوں گا۔