اسلام آباد(نیوزڈیسک) ڈی جے بٹ کا معاملہ،ن لیگ کا تحریک انصاف پر کاری وار-پرویز رشید نے کہا کہ عمران خان نے دھرنے میں دعویٰ کیا تھا کہ انہیں بیرون ملک سے دھرنے کے لیے اربوں روپے کا فنڈ ملا ان کا دعویٰ درست ہے تو چند کروڑ روپے کا بل کیوں نہیں ادا کیا جا رہا۔ عمران خان نے اپنے اس فعل سے خود کو دوسروں کا حق مارنے والا ثابت کیا ہے۔ پرویز رشید نے کہا کہ آج تک کسی سیاسی جماعت نے سروس فراہم کرنے والے کو شکایت کا موقع نہیں دیا لیکن ڈی جے بٹ کو تحریک انصاف سے رقم نہ ملنے کی شکایت ہے۔ کیا عمران خان دوسروں کا حق کھا کر نیا پاکستان بنانا چاہتے ہیں۔