کراچی(این این آئی) کوروناوبا کی دوسری لہر سے بچائوکیلئے سول ایوی ایشن نے نئے ایس او پیز جاری کردی ہیں،ملازمین کے دفاترمیں داخلے سے پہلے ماسک کااستعمال لازمی قرار دیا گیا ہے۔ بیماری کی علامت کی صورت میں فوری متعلقہ ہیڈ کو اطلاع کی ہدایت کرتے ہوئے کہا گیا ہے کہ بیماری رخصت کی منظوری کے بعدملازم گھرمیں ہی قرنطینہ ہوگا۔
تفصیلات کے مطابق سول ایوی ایشن اتھارٹی نے موجودہ وبا کے حوالے سے حفاظتی اقدامات کے پیش نظر بھر کے ملازمین کے لئے نئے ایس او پیز کی ہدایت نامہ جاری کردیا ہے جس پر افسران و ملازمین کو عمل کرنا ہوگا۔ہیومن ریسورس کے ایڈیشنل ڈائریکٹر کے زیرِدستخط جاری حکم نامہ میں کہا گیا ہے کہ کوئی بھی آفیسر یا ملازم بیماری کی صورت میں گھر میں قرنطینہ ہو جائیں دفاتر میں ملازمین کو سماجی فاصلہ لازمی اور مصافحہ کرنے پر پابندی ہوگی۔سول ایوی ایشن کے تمام دفاتر کو دن میں دو مرتبہ ڈس انفیکٹ کیا جائے اور دفاتر میں میٹنگ کی بجائے ویڈیو کانفرنس کی جائے اور تمام آفیسروملازمین دفاتر میں داخل ہونے سے قبل ماسک کا استعمال لازمی کریں کیونکہ ان تمام احتیاطی تدابیر کرنے سے سب لوگ محفوظ رہ سکتے ہیں جبکہ سول ایوی ایشن کے تمام آفیسر و ملازمین احتیاطی تدابیرپرعملدرآمد لازمی کریں اور تمام شعبے نئے ایس اوپیزپرسختی سے عملدرآمد کرائیں گے۔
