اسلام آباد (این این آئی)سعودی عرب سے پاکستان آنے والے مسافر کو پالتو بٹیر ساتھ لانامہنگا پڑ گیا۔ میڈیا رپورٹ کے مطابق بنوںکا رہائشی حنیف پرواز پی اے 711 پر جدہ سے پشاور آرہا تھا،دوران پرواز مسافر نے جیب سے بٹیر نکال کر کھیلنا شروع کردیا،ایئر ہوسٹس کے منع کرنے پر مسافر اور خاتون فضائی میزبان میں تلخ کلامی ہوگئی۔
پشاور پہنچتے ہی کپتان نے اے ایس ایف اہلکاروں کو طلب کرلیا،اے ایس اہلکاروں نے مسافر کو حراست میں لے کر اسکے پالتو بٹیرکو قبضے میں لے لیا۔ مسافر نے بتایاکہ پالتو بٹیر کے بغیر نہیں رہ سکتا۔ سی اے اے حکام کے مطابق اے ایس ایف حکام نے تحریری معافی نامہ دینے پر مسافر کو چھوڑ دیا۔
