اسلام آباد(نیوز ڈیسک )بے چینی دنیا بھر میں پائی جانے والی ذہنی بیماریوں میں سے تیسری بڑی بیماری تصور کی جاتی ہے۔علاوہ ازیں زندگی میں کم از کم ایک مرتبہ تو ہر شخص درد سر میں لازماً مبتلا ہوتا ہے۔ماہرین طب ہمیں ان بیماریوں سے محفوظ رکھنے کیلئے مختلف قسم کی ادویات کے استعمال کا
مشورہ دیتے ہیں ، جن کے استعمال سے کبھی افاقہ ہوتا اور کبھی نہیں۔آج ہم آپ کیلئے لائے ہیں ان بیماریوں سے نجات حاصل کرنے کا بے حد لذیذ اور قدرتی طریقہ جو آپکو نا صرف آرام پہنچائے گابلکہ آپکی کھوئی ہوئی توانائی بھی بحال کرنے میں مدد دے گا۔سر درد اور بے چینی دور کرنے کیلئے لیوینڈر آئل کو بہترین خیال کیا جاتا ہے۔ ماہرین کے مطابق لیوینڈر کا تیل 150سے زائد کیمیائی اجزاءپر مشتمل ہونے کے ساتھ ایک زبردست اینٹی سیپٹک ، اینٹی بیکٹیریل ، اینٹی مائیکروبیئل اور ڈیٹوکسیفائینگ خصوصیات سے مالا مال ہوتا ہے۔علاوہ ازیں اس کا ذائقہ بے حد مزیدار ہوتا ہے۔لیوینڈر کا شربت بنانے کیلئے آپ کو چھ بڑے سائز کے لیموں کا رس ، ایک قطرہ لیوینڈر کے تیل کا ، 12کپ سادہ پانی اور ایک کپ شہد کی ضرورت ہوگی۔ان تمام اجزاءکو اچھی طرح مکس کریں اور خوب ٹھنڈا کر کے استعمال کرنے سے سر کی درد اور طبعیت کی بے چینی کو بھول جائیں۔
