وزیرستان (نیوزڈیسک) جنوبی وزیرستان کے علاقے میں سیکورٹی فورسز اور شدت پسندوں کے مابین جھڑپ میں 8 شدت پسند ہلاک ہو گئے۔ کارروائی میں 2 سیکورٹی اہلکار شہید جبکہ 2 زخمی ہو گئے۔ جنوبی وزیرستان سب ڈویڑن لدھا کے علاقے پریغلہ میں شدت پسندوں نے سیکورٹی اہلکاروں پر حملہ کیا ، جوابی کارروائی میں 8 شدت پسند ہلاک ہو گئے جبکہ کارروائی کے دوران 2 سیکورٹی اہلکار شہید اور 2 زخمی ہو گئے۔ سیکورٹی فورسز نے علاقے کا گھیراؤ کر لیا ، تمام داخلی اور خارجی راستوں پر چیک پوسٹس قائم کر کے علاقے میں سرچ آپریشن کیا گیا۔