اسلام آباد (این این آئی)سکیورٹیز اینڈ ایکسچینج کمیشن نے اپنا ڈیٹا کسی غیر ملکی کمپنی یاایجنسی کو دینے کی تردید کر دی ۔ ترجمان کے مطابق ایس ای سی پی ان خبروں کی سختی سے تردید کرتا ہے،ادارے کا ڈیٹا کسی غیر ملکی کمپنی یاایجنسی کی نہیں دیا گیا۔ترجمان نے کہاکہ ڈی ایف آئی ڈی نے ایس ای سی پی کی ڈیجیٹلائزیشن منصوبے کیلئے فنڈز دیئے۔
ڈیجیٹلائزیشن منصوبے کا کنٹریکٹ بھی ڈی ایف آئی ڈی کی منظوری سے جاری ہوا۔ ترجمان نے کہاکہ ڈیجیٹلائزیشن کے کنٹریکٹ کے اجراء سے ایس ای سی پی انتظامیہ کا کوئی تعلق نہیں،اکنامک افئیرزڈویژن کی کلئیرنس نہ ملنے پر کنٹریکٹ منسوخ بھی ہوچکا ہے ،بے بنیاد اور غیر ذمہ دارانہ خبرپر قانونی چارہ جوئی کی جائیگی۔
