اسلام آباد(نیوزڈیسک)پیپلزپارٹی چھوڑ کر تحریک انصاف میں شامل ہونے والے سابق وزیرمملکت صمصام بخاری نے انکشاف کیا ہے کہ کچھ لوگ خاموشی سے ایک نئی سیاسی جماعت بنارہے ہیں، مسلم لیگ ن اور پیپلزپارٹی سمیت دیگر کئی جماعتوں کے ناراض ارکان سے رابطے کئے جارہے ہیں، مجھے بھی اس نئی پارٹی میں شمولیت کی دعوت دی گئی لیکن میں نے معذرت کرلی۔ صمصام بخاری نے کہا کہ اس مجوزہ پارٹی کا سربراہ پرویزمشرف کو بنایا جارہا ہے۔ انہوں نے کہا کہ پیپلزپارٹی چھوڑ کر تحریک انصاف میں جانا کوئی سازش نہیں لیکن اپنی اپنی پارٹی میں بیٹھ کر نئی پارٹی بنانے کی کوشش سازش ہے اور میں نے اس سازش میں شامل ہونے کی بجائے تحریک انصاف میں شامل ہونا مناسب سمجھا۔ سنسنی خیز انکشافات سے بھرپور کیپیٹل ٹاک آج رات 8 بج کر 5 منٹ پر پیش کیا جائے گا