واشنگٹن (آن لائن) امریکہ نے رواں ماہ عراق میں موجود اپنی فوجیوں میں مزید کمی کرنے کا اعلان کر دیا ۔ بدھ کو امریکی فوج نے باضابطہ اعلان کیا کہ وہ عراق میں موجود اپنے پانچ ہزار 200 اہلکاروں کی تعداد کم کرنے تین ہزار کردے گی۔

اس وقت عراق میں شدت پسند تنظیم داعش سے لڑنے کے لیے تقریباً پانچ ہزار 200 امریکی فوجی موجود ہیں۔عراق میں امریکہ کی سربراہی میں اتحادی افواج کے ا?فیشلز کا کہنا ہے کہ اب عراقی افواج داعش کے باقیات سے نمٹنے کے اہل ہے۔امریکی افواج کے سینٹرل کمانڈ کے جنرل فرینک میکینزی کا کہنا ہے ’ہم اپنے پارٹنز کی استعداد مسلسل بڑھا رہے ہیں جس کی وجہ سے عراقی افواج کی اہلیت بڑھی ہے اور ہم عراق میں اپنی موجودگی کم کرنے کے قابل ہوئے ہیں۔گزشتہ مہینے عراق کے وزیراعظم کے ساتھ میٹنگ کے دوران صدر ٹرمپ نے عراق میں موجود امریکی افواج کے انخلا کے وعدے کا دوبارہ اعادہ کیا تھا۔