انگلینڈ (نیوز ڈیسک ) ومبلڈن ٹینس ٹورنامنٹ کے دوسرے راو¿نڈ میں کھیلے گئے میچز میں سرینا ولیمز ، میرین سیلیک اور سٹان واورینکا نے اپنے اپنے میچ جیت کر تیسرے راو¿نڈ کیلئے کوالیفائی کر لیا،، انگلینڈ میں جاری ومبلڈن ٹینس ٹورنامنٹ کے دوسرے راو¿نڈ میں امریکہ کی عالمی نمبر 1 ٹینس پلیئر سیرینا ولیمز کا مقابلہ ہنگری کی ٹیمیا بے بوس سے ہوا۔ سٹار ٹینس پلیئر نے حریف کو سٹریٹ سیٹس میں باآسانی چھ چار اور چھ ایک سے شکست دی۔ دوسرے میچ میں کروشیا کے میرین سیلیک کا جوڑ لیتھوانیا کےرکارڈس برانکس سے پڑا ، دونوں پلیئرز کے درمیان کانٹے کا مقابلہ دیکھنے کو ملا لیکن سخت مقابلے کے بعد کروشئین پلیئر نے حریف کو چھ تین ، چار چھ ، سات چھ ، چار چھ اور سات پانچ سے قابو کر لیا۔ ٹورنامنٹ کے تیسرے بڑے میچ میں سوئس ٹینس سٹار سٹان واورینکا نے زبردست مقابلے کے بعد ڈومینیکا کے وکٹر ایسریلا کو چھ تین ، چھ چار اور سات پانچ سے ہرا کر تیسرے راو¿نڈ میں رسائی حاصل کی۔