نئی دہلی (آن لائن) بھارتی ریاست اترپردیش میں خاتون اور مرد کا سر منڈواکر اور منہ پر سیاہی مل کر سر عام گھما نے کی وائرل ویڈیو وائرل ہوگئی۔ لوگوں نے خاتون اور معذور شخص کے سروں کو زبردستی مونڈ کر کے ان کے منہ پر سیاہی ملی اور ان کے گلے میں جوتوں کی مالا پہنا کر گاؤں کی گلیوں میں
سر عام چکر لگوائے ۔ پولیس کے مطابق خاتون کے شوہر نے دو ماہ قبل اپنی زندگی کا خاتمہ کر لیا تھا جس کے بعد گاؤں کا ایک معذور شخص ان کی مدد کیا کرتا تھا۔ لیکن یہ بات مذکورہ خاتون کے گھروالوں کو پسند نہیں تھی اور اسی لیے ان کے ساتھ اس طرح کا سلوک کیا گیا۔چند ملزموں کو گرفتار کیا گیا ہے۔
