تل ابیب(مانیٹرنگ ڈیسک)امریکا اور اسرائیل نے متحدہ عرب امارات امن معاہدے کو سنگ میل قرار دیتے ہوئے کہا ہے کہ امیدہے کہ جلد اسرائیل کیساتھ مزید عرب ملکوں کیساتھ سفارتی روابطاستوار ہو جائیں گے ۔ اسرائیلی وزیراعظم نیتن یاہو کے ہمراہ مشترکہ کانفرنس کے
دوران امریکی وزیر خارجہ مائیک پومپیو نے کہا ہے کہ جلد ہی ہمیں اچھی خبریں سننے کو ملیں گی ، انہیں امید ہے کہ جلددیگر عرب ممالک امن معاہدوں کا حصہ ہوںگے ۔ ایران کا ذکر کرتے ہوئے انہوں نے کہا ہے کہ ایران کو نیو کلیئر ریاست بننے سے روکنا صدر ٹرمپ کا ہدف ہے ۔
